მოხალისის შესახებ
მოხალისეობა დავიწყე 2025 წლის მარტში,პროგრამაში მოხალისეები თბილისის ახალგაზრდებისთვის. მოხალისეობრივი საქმიანობის განხორციელება მანიჭებს ბედნიერებას, მინვითარებს ისეთ მნიშვნელოვან უნარებს როგორებიცაა ლიდერობა, კრიტიკული აზროვნება, გუნდური მუშაობა და სხვა. ამ მიმართულებით განხორციელებულმა პროექტებმა მომცა საშუალება გამეგო კიდევ სხვა ბევრი აქტივობის, პროგრამის თუ სხვა შესაძლებლობების შესახებ. მოხალისეობრივი გამოცდილებების საწყისები უკავშირდება "საქართველოს კარიტასს", რადგან თავდაპირველად ამ ორგანიზაციაში დავიწყე მოხალისეობა, მოგვიანებით შევიცვალე პროგრამა და "ჰუმანიტარული სასადილოდან" გადავედი მოხუცთა ცენტრ "ჰარმონიაში". ორი ერთმანეთისგან განსხვავებულმა გამოცდილებებმა, დამიტოვა წადილი კიდევ უფრო მეტი ასეთი შესაძლებლობების თანამონაწილე ვყოფილიყავი. სწორედ ამ დროს აღმოვაჩინე ორგანიზაცია "ჰელფინგ ჰენდი", სადაც ჩავერთე მოხალისედ პროექტში "მოხალისეობა, თბილისის ახალგაზრდებისთვის". 2025 წლის მარტში როდესაც გენ. მაზნიაშვილის ახალგაზრდული ლეგიონის პირველი სამოტივაციო მარში გავიარე, ბევრი ვიფიქრე გამეგრძელებინა თუ არა ის მოხალისეობრივი მიმართულება რასაც "თავდაცვის მოხალისე ჰქვია. მას შემდეგ არაერთი გასვლის თუ ლექციის მონაწილე გავხდი და გავიაზრე ბევრი რამ რასაც წიგნში ვერ ამოიკითხავ და ვერც ფილმში ნახავ. ეს გამოცდილება იყო დაუვიწყარი, ძალიან რთული მაგრამ ამავდროულად გარდამტეხი ცხოვრების იმ ეტაპზე, როდესაც მე ეს გამოვცადე. ფიზიკური დატვირთვის თვალსაზრისით ლეგიონი მართლაც მოითხოვს როგორც ფსიქოლოგიურ ასევე ფიზიკურ მზაობას, რაც იმ დროისთვის მე არ გამაჩნდა, თუმცა საბოლოო ჯამში მენტალურმა გამძლეობამ სძლია ეს სირთულე. ლეგიონში დავინახე საქართველო სულ სხვა პრიზმით, განვიმტკიცე ეროვნული იდენტობა და აღმოვაჩინე ჩემში სულიერი სიმტკიცე. სხვა მოხალისეობრივი პროექტებში ჩართულობის შემდგომ, შევიტანე განაცხადი "ჰელფინგ ჰენდში" კოორდინატორობის პოზიციაზე, ვინაიდან პირველივე პროექტიდაანვე გამიჩნდა სურვილი იმ პოზიციაზე ყოფნის, რომელზეც ოდესღაც სხვა კოორდინატორი იყო. საბედნიეროდ წარმატებით მოვიყვანე მიზანი სისრულეში. 6 თვის განვმალობაში (მოხალისეთა კოორდინატორობისთვის განკუთვნილი თვეები), განვახორციელე რამდენიმე პროექტი, ამავდროულად ვმართე ორგანიზაციის ინსტაგრამ გვერდი, რომელმაც უდიდესი გამოცდილება დამიტოვა მედია-კომუნიკაციების მიმართულებით. ყოველდღიურად კონტენტის სწორ დროს დადება და აუდიტორიის ინტერესი, მაძლევდა დიდ მოტივაციას უფრო და უფრო უკეთესად გამეწია მენეჯმენტი გვერდისთვის და ამ მასშტაბის პასუხისმგებლობა ბოლომდე სწორად შემესრულებინა. ამჟამად კვლავ ვარ მოხალისე ორივე ორგანიზაციეში, "კარიტასში" კი ჩემს საყვარელ საქმიანობას, ბავშვებთან ურთიერთობას ვეწევი ცენტრ "მზესუმზირებში" და ვასწავლი ინგლისურ ენას.
