მოხალისის შესახებ
მე ვარ ლიზი უკლება 16 წლის ქალაქ ქუთაისიდან. ვსწავლობ ანდრია რაზმაძის სახელობის ქ.ქუთაისის N41 ფიზიკა-მათემატიკის საჯარო სკოლაში. დაინტერესებული ვარ ფიზიკითა და კომპიუტერული მეცნიერებების მიმართულებით, ვარ Technovation Girls Sakartvelo'23-ის მონაწილე და ათასწლეულის ინოვაციის კონკურსის(MIA'22) მეოთხე ადგილის მფლობელი გუნდის - Atemporal-ის წევრი. ამ ყველაფერთან ერთად ვცდილობ ვიყო აქტიური მოქალაქე და ჩავერთო სხვადასხვა სამოქალაქო საქმიანობაში, მაქვს საკმაოდ დიდი მოხალისეობრივი გამოცდილება. ვარ ქუთაისის მერის ახალგაზრდა მრჩეველთა საბჭოს წევრი, აქტიურად ვიღებ მონაწილეობას ქუთაისში გამართული ღონისძიების დაგეგმვასა და განხორციელებაში(Rock'აია, Gemoფესტი, ქუთაისის ახალგაზრდული ფესტივალი და სხვა). სამეცნიერო-ინტელექტუალურ კლუბ "თაობათა დიალოგში" ვარ ერთ-ერთი პროგრამის - "მოხალისეთა კლუბის" ტექნიკური ასისტენტი.
მიყვარს ბანაკები, ხშირად ვიღებ მონაწილეობას და წელს მქონდა შესაძლებლობა, ვყოფილიყავი ლიდერი ქუთაისის მერიის ორგანიზებით გამართულ ბანაკში "ლიდერთა სკოლა".
2023 წელს გავხდი ახაგაზრდა ევროპელო ელჩი(YEA). ჩემთვის ახალი გამოწვევაა თუმცა, დარწმუნებული ვარ, ეს საშუალებას მომცემს მივიღო აქტიური მონაწილეობა საქართველოს ევროინტეგრაციის პროცესში.
ჩემი მიზანია, აქტიური მოხალისეობით პოზიტიური წვლილი შევიტანო როგორც ადგილობრივ, ისე საერთაშორისო თემებში.
