მოხალისის შესახებ
მე ვარ თათია აქტიური, პასუხისმგებლიანი და განვითარებაზე ორიენტირებული ახალგაზრდა ლიდერი. ბავშვობიდანვე ჩართული ვარ არაფორმალური განათლების, პროექტების მართვისა და საზოგადოებრივი საქმიანობის პროცესებში. ჩემი მიზანია შევქმნა ისეთი გარემო, სადაც ახალგაზრდებს ექნებათ მეტი შესაძლებლობა, განათლება და მოტივაცია საკუთარი პოტენციალის სრულად გამოსავლენად.
ვმონაწილეობ მრავალ ეროვნულ და საერთაშორისო პროექტში, სადაც განსაკუთრებულ ყურადღებას ვაქცევ ახალგაზრდების გაძლიერებას, გარემოს დაცვას, მედია წიგნიერებასა და პასუხისმგებლიან მოქალაქეობას. მაქვს გამოცდილება ტრენინგების ჩატარებაში, მოხალისეობრივ პროექტებში ხელმძღვანელობასა და საგანმანათლებლო კამპანიების დაგეგმვაში.
ჩემი ერთ-ერთი მნიშვნელოვანი მიღწევაა Butterfly Wing Global Teachers Club-ის Lifetime Membership — ეს სტატუსი მივიღე გოგოების განათლების ხელშეწყობასა და ბავშვთა ქორწინების წინააღმდეგ მიმართული საქმიანობისთვის. ასევე ვარ Key Consulting-ის სრული ტრენერთა კურსის კურსდამთავრებული, რაც მაძლევს საშუალებას უფრო ეფექტიანად ვმართო სასწავლო შეხვედრები, ტრენინგები და პრეზენტაციები.
მე მუდმივად ვცდილობ, რომ ჩემს გარემოში შევიტანო ცვლილებები:სოციალური პროექტი, ეკოლოგიური აქცია, საგანმანათლებლო აქტივობა თუ სკოლის მასშტაბით განხორციელებული ინიციატივა. მართვა, გუნდური მუშაობა, კომუნიკაცია და ლიდერობა ჩემი ძირითადი ძლიერი მხარეებია.
ვცხოვრობ პრინციპით: სხვისი განვითარების ხელშეწყობა ,საკუთარი თავის საუკეთესო ვერსიად ჩამოყალიბების გზაა.
ამიტომაც ყოველდღე ვმუშაობ იმაზე, რომ უფრო მეტ ახალგაზრდას მივცე შანსი, ირწმუნოს საკუთარი ძალა და შეცვალოს მომავალი უკეთესობისკენ.
