მოხალისის შესახებ
მოხალისეობა ჩემთვის არის მტკიცე დიდი პასუხისმგებლობა, რომელიც უშუალოდ უკავშირდება საკუთარი თემისა და სოციალური გარემოს გაძლიერებას. ჩემთვის დიდი პატივია, წარვსდგე თქვენ წინაშე „წლის მოხალისის“ ჯილდოს ნომინანტად.
ჯერ კიდევ ადრეულ ასაკში გავაცნობიერე, რომ ცვლილებები არა „სხვებმა“, არამედ ჩვენ თავად უნდა დავიწყოთ. ეს ბავშვური ენთუზიაზმი 2017 წელს რეალურ საქმედ იქცა, როდესაც განათლების სამინისტროს პროექტში — „საქართველოს მოხალისე“ — ჩავერთე. მაშინ სენაკში მოხალისეთა კლუბის დაარსება და ათეულობით პროექტის განხორციელება ჩემთვის გარდამტეხი მომენტი იყო. დავინახე, როგორ შეიძლება ერთმა იდეამ გააერთიანოს ადამიანები საერთო საქმისთვის.
ამ გამოცდილებამ მიმიყვანა მნიშვნელოვან წამოწყებამდე — გავხდი საქართველოს სტუდენტური პარლამენტის სენაკის წარმომადგენლობის დამფუძნებელი. ეს არ ყოფილა გადაწყვეტილება, მიღებული მხოლოდ კარიერული წინსვლისთვის. ეს იყო პასუხი სენაკელი ახალგაზრდების საჭიროებაზე. ჩემი მთავარი მიზანი იყო, შემექმნა სივრცე — ერთგვარი პლატფორმა, სადაც ჩემი თანატოლები შეძლებდნენ საკუთარი პოტენციალის აღმოჩენას, განვითარებას და იმ ახალი შესაძლებლობების მიღებას, რომლებიც რეგიონში ხშირად ნაკლებად ხელმისაწვდომია.
ჩემი საქმიანობის უმთავრესი შეფასება იმ ახალგაზრდების წარმატებული ტრანსფორმაციაა, რომლებმაც ჩვენს პლატფორმაზე საკუთარი პოტენციალის აღმოჩენა და მიზნის მკაფიოდ დანახვა შეძლეს. „წლის მოხალისის“ ჯილდოს მოპოვება დაადასტურებს იმ ხედვას, რომ სენაკს აქვს პოტენციალი, იქცეს მოხალისეობრივი საქმიანობის მაგალითად მთელი რეგიონისთვის.
