მოხალისის შესახებ
გახლავართ თბილისის N199-ე კომაროვის ფიზიკა-მათემატიკური სკოლის კურსდამთავრებული. გასულ წელს გავხდი FLEX პროგრამის ფინალისტი და გაცვლითი წელი გავატარე ინდიანაში, აშშ-ში.
ჩემთვის მოხალისეობა ერთ-ერთი ყველაზე სასიამოვნო საქმიანობაა, რომელიც ყოველდღიურობას მრავალფეროვანს და სახალისოს ხდის. აღსანიშნავია რომ ამ სფეროში პირველი ნაბიჯები სწორედ "ჰელფინგ ჰენდში" გადავდგი, რისთვისაც ძალიან მადლობელი ვარ. 2021 წელს ნომინირებული ვიყავი წლის მოხალისის ჯილდოზე. მოხალისეობა განვაგრძე აშშ-შიც, ჯამში 110 საათი შევასრულე და ამერიკის დეპარტამენტისგან საპატიო ჯილდო მივიღე.
მიხარია რომ საქართველოში დაბრუნებულს მაქვს შესაძლებლობა აქტიურად განვაგრძო მოხალისეობა და უანგაროდ ვემსახურო ჩემს გარემოცვას.
