პროექტის დეტალი

პროექტის აღწერა

1 მარტს კლუბ დეტექტორის პირველი შეხვედრა ჩავატარე სივრცეში, შეხვედრაზე გავიხსენეთ რას ნიშნავს მედიაწიგნიერება და გავაკეთეთ პრაქტიკული სავარჯიშოები მანიპულაციის შესახებ.

      აქტივობის მოკლე აღწერა: კლუბის წევრებს ვთხოვეთ დაეხატათ სტრუქტურულად კბილის ჯაგრისი და კბილის პასტა, როცა ყველამ დაასრულა შეაფასეს ერთმანეთის ნახატები, ბევრს არ მიუქცევია ყურადღება იმისთვის, თუ რა რაოდენობის კბილის პასტაა გამოყენებული რეკლამაში, როგორც აქტივობიდან და წევრების ნახატებიდან დავინახეთ უმეტესობამ საკუთარ ნახატზე სწორედ იმ რაოდენობის კბილის პასტა დახატა, რამდენიც რეკლამაშია, მიუხედავად იმისა, რომ ვიცით, გაცილებით ნაკლების გამოყენებაა საჭირო. ეს არის ნათელი მაგალითი იმისა, თუ როგორ მოქმედებს ჩვენზე მედია, მათ შორის რეკლამაც. როდესაც ჩვენ ვუყურებთ რეკლამას, ვერც კი ვამჩნევთ, თუ როგორ ახდენს ის ჩვენზე ინფორმაციულ გავლენას, თუმცა ახლა ისინი სწორად იმას აკეთებენ, რაც კბილის პასტის მწარმოებლებს სურთ. ისინი იყენებენ კბილის პასტის დიდ რაოდენობას, უფრო ხშირად იძენენ მას, რაც კბილის პასტის მწარმოებლის მოგებას ზრდის. ვნახეთ მსგავსი რეკლამა. გავიხსენეთ ამის სხვა მაგალითები, ბოლოს კი შევაჯამეთ აქტივობა.