23 აპრილი წიგნის ჩუქების დღეა, სწორედ ამიტომ “გაავრცელე სითბოს” თბილისის კლუბის მოხალისეებმა განვახორციელეთ წიგნების გაცვლის აქტივობა, რომლის ფარგლებშიც მოვიტანეთ წიგნები და შემთხვევითობის პრინციპით გავცვალეთ ერთმანეთში. აქტივობის მიზანი იყო ამ დღესთან დაკავშირებით ცნობიერების ამაღლება და ყოველდღიური სასკოლო ცხოვრების გახალისება. ინიციატივის თითოეულმა მონაწილემ წიგნთან ერთად სითბო და დადებითი ემოციაც მიიღო. აქტივობის განხორციელებას დაადასტურებს მოხალისეთა კოორდინატორი ლიზი სალბიშვილი.