ორგანიზაციის შესახებ - საქართველოს კარიტასი
საქველმოქმედო ფონდი „საქართველოს კარიტასი“ დაარსდა კათოლიკური ეკლესიის მიერ 1994 წელს. უკვე 30 წელზე მეტია ორგანიზაცია ეხმარება სოციალურად დაუცველ ადამიანებს: ხანდაზმულებს, უსახლკაროებს, შეზღუდული შესაძლებლობის მქონე პირებს, ბავშვებსა და მოზარდებს, ასევე ოჯახებს, რომლებსაც სოციალური და ჰუმანიტარული მხარდაჭერა სჭირდებათ. დღესდღეობით, კარიტასი მთელი ქვეყნის მასშტაბით 12,500-ზე მეტ ბენეფიციარს ეხმარება 32 პროექტის ფარგლებში.
„საქართველოს კარიტასის“ მიზანია შექმნას საზოგადოება, სადაც ყველა ადამიანის ღირსება პატივსაცემია, მათი უფლებები დაცულია და სოლიდარობის, თანაგრძნობისა და სოციალური სამართლიანობის ღირებულებები ხელშეწყობილია.
ორგანიზაციის საქმიანობა მოიცავს რამდენიმე სფეროს:
- ბავშვებისა და ახალგაზრდების დაცვა და განვითარება;
- ჯანმრთელობის დაცვა;
- სოციალური დაცვა;
- თემის და მოხალისეობის განვითარების პროგრამა;
- საგანგებო სიტუაციებისთვის რეაგირება და მათზე მზადყოფნა:
- განათლების გაძლიერების პროგრამა;
- მიგრაცია;
- კარიტასი რეგიონებში სოციალური საწარმოები;
მოხალისეთა საბჭო
მე ვარ „საქართველოს კარიტასის“ მოხალისეთა საბჭოს აქტიური წევრი, სადაც ვმუშაობთ ორგანიზაციის მოხალისეთა ხარისხის განვითარებაზე და მხარდაჭერაზე. საბჭოს ფარგლებში, ჩვენ ვადგენთ მოხალისეების წინაშე არსებულ ძირითად გამოწვევებს და ვქმნით მათ დასაძლევად გამოსავალს. ჩვენი მიზანია შევქმნათ გარემო, რომელშიც თითოეულ წევრს შეუძლია ყველაზე ეფექტურად დაეხმაროს სხვებს, განვითარდეს პიროვნულად და მიიღოს გამოცდილება სოციალური ინიციატივების ორგანიზებაში.
საბჭოს ერთ-ერთი მთავარი მიზანია ახალგაზრდების განათლება და ჩართვა მოხალისეობაში. ჩვენ ვატარებთ შეხვედრებსა და ლექციებს სკოლებსა და ახალგაზრდულ ცენტრებში გარემოს დაცვის, მოხალისეობის, სოციალური პასუხისმგებლობისა და საზოგადოებრივი ცხოვრების აქტიურ მონაწილეობაზე. ასევე ვაწყობთ საქველმოქმედო ლაშქრობებს, გარემოსდაცვით კამპანიებს, რაც გვეხმარება მეტი ადამიანის ჩართვაში და ჩვენი დახმარების მასშტაბის გაფართოებაში გაჭირვებულთათვის.
საბჭოში ჩემი როლი აერთიანებს ორგანიზაციულ, საგანმანათლებლო და შემოქმედებით ფუნქციებს. ვქმნი ვიზუალურ მასალებს სოციალური მედიისა და პრეზენტაციებისთვის, ვმონაწილეობ ღონისძიებების დაგეგმვასა და განხორციელებაში, ვამზადებ ვიდეოებსა და საინფორმაციო კამპანიებს. ამ საქმიანობით ჩვენ ვიზიდავთ ახალ მოხალისეებს, ვამაღლებთ საზოგადოების ცნობიერებას სოციალურად დაუცველი ჯგუფების პრობლემების შესახებ და ხელს ვუწყობთ სოლიდარობისა და ურთიერთდახმარების კულტურას საზოგადოებაში.
