პროექტი „ხიდი“ (Khidi) არის MAC Georgia-ს ინიციატივა, რომელიც უზრუნველყოფს განათლებაზე ხელმისაწვდომობას და ახალგაზრდების უნარების განვითარებას. პროექტის ფარგლებში ვმუშაობ პანკისის ხეობის მოსწავლესთან, როგორც მოხალისე ინგლისურის მასწავლებელი. ჩემი მოვალეობები მოიცავს ონლაინ გაკვეთილების ჩატარებას, სასწავლო მასალების შედგენას, ენობრივი უნარების განვითარებაზე მუშაობას და მოტივაციის ამაღლებას. გასულ კვირას პანკისის ხეობაში პირადად ვესტუმრეთ ჩვენს მოსწავლეებს და გავეცანით მათ.