პროექტის აღწერაპროექტის „ახალგაზრდული მოხალისეობა COVID-19 პანდემიის საპასუხოდ საქართველოში“ ფარგლებში ჩავერთე საგანმანათლებლო აქტივობაში „თანატოლი თანატოლისთვის“, რომლის მიზანი თანატოლებისთვის პანდემიის პირობებში აუთვისებელი სასკოლო მასალის სწავლაში დახმარება გახლდათ. რადგან პანდემიის გამო ბევრმა სკოლამ ვერ შეძლო სრულყოფილად სასწავლო მასალის მიწოდება მოსწავლეთათვის, ამ პროექტს დიდი გამოხმაურება მოჰყვა და მასში მონაწილეობის მსურველთა რაოდენობაც ბევრი იყო. რამდენიმე მოხალისესთან ერთად, აგვისტოდან მეც აქტიურად დავიწყე ონლაინგაკვეთილების ჩატარება და 2 თვის მანძილზე და ჯამში 4 მოსწავლეს დავეხმარე ინგლისურში, ქართულსა და მათემატიკაში.
მიუხედავად იმისა, რომ რთული იყო გაკვეთილების ონლაინსივრცეში წარმართვა, ვფიქრობ, ეს 2 თვე მაინც ძალიან ნაყოფიერი იყო როგორც ჩემთვის, ისე პროექტის მონაწილეთათვის - პირადად მე შევიძინე ძალიან დიდი გამოცდილება და ბედნიერება, რადგან ჩემს ცოდნას ვუზიარებდი თანატოლებს, რომლებმაც თავის მხრივ, გამოიჩინეს ინტერესი და მთელი მონდომებით იმუშავეს იმ საგნებში, რომლებშიც ყველაზე მეტად სჭირდებოდათ დახმარება.
პროექტი „ახალგაზრდული მოხალისეობა COVID-19 პანდემიის საპასუხოდ საქართველოში" ჩემთვის მოხალისეობის პირველი გამოცდილებაა, თუმცა ამას ხელი არ შეუშლია, რომ ამ პროექტის ფარგლებში მრავალნაირი აქტივობა განმეხორციელებინა და ჩემთვის ყველაზე მნიშვნე... განაგრძეთ კითხვა