7 აპრილს ჯანმრთელობის მსოფლიო დღესთან დაკავშირებით, ხარაგაულის მოხალისეთა კლუბის ლიდერებმა მე და ლიზი კურტანიძემ ZOOM-ის საშუალებით მოვიწვიეთ ჰელფინგ ჰენდის ახალგაზრდული პროგრამის ხელმღვანელი დეა გათენაძე. შეხვედრაზე მე და ლიზიმ წარვუდგინეთ ამ დღესთან დაკავშირებული თემატური პრეზენტაციები, იმუნიზაციასა და ჯანსაღ ცხოვრების წესთან დაკავშირებით, დეამ კი გაგვაცნო მოხალისეობრივი შესაძლებლობები და დაგეგმილი სიახლეები. შეხვედრას ესწრებოდნენ ხარაგაულის მოხალისეთა კლუბის წევრები.