პროექტის დეტალი

22 აპრილი დედამიწის დღეა! სწორედ ამ დღესთან დაკავშირებით დავამზადე პლაკატი, დავხატე დედამიწა, და შემდგომ სკოლაში ბავშვებისთვის ჩავატარე სახალისო აქტივობა. მოსწავლეებმა ხელები შეიღებეს და დედამიწის გარშემო გამოსახეს. ამ აქტივობის შემდგომ დავურიგე ფურცლები, დავახატინე დედამიწა და მივაწერინე მათ ის მიზეზები, თუ რატომ უნდა გაუფრთხილდნენ დედამიწას, რატომ იტანჯება დედამიწა, რა არის საზიანო ჩვენთვის და ჩვენი გარემოსთვის, ასევე მეც გავუზიარე საკუთარი გამოცდილებები და ინფორმაცია დედამიწის დღესთან დაკავშირებით. ვფიქრობ, ეს პროექტი გახდა მოტივაცია თითოეული მათგანისთვის, აღარ დააბინძურონ გარემო და სხვასაც მოუწოდონ დადებითი ცვლილებები მოახდინონ გარემოზე.