მოხალისეები

მოხალისეობა ჩემთვის კარგად ნაცნობი და საყვარელი საქმეა. 5 წლიდან ვმოხალისეობ, ჩემი ასაკის შესაბამისად, ვერთვები და ვმონაწილეობ სხვადასხვა პროექტში, საქველმოქმედო, საგანმანათლებლო თუ კულტურულ პროგრამებში.

„ჰელფინგ ჰენდის’’ პროექტის ფარგლებში რამდენიმე აქტივობაში ჩავერთე, მათ შორის:

სამოქალაქო საზოგადოების განვითარების ცენტრის წარმომადგენლებთან ერთად დავეხმარე მარტოხელა და მიუსაფარ ქალებსა და ბავშვებს, გადავეცით საკვები პროდუქტები და პირველადი ჰიგიენის ნივთები;

მოხალისეობრივად ჩავერთე ქალაქ ბათუმში, ახალგაზრდული სააგენტოს მიერ დაგეგმილი ახალგაზრდული ფორუმის საორგანიზაციო საკითხებში;

ერთ-ერთ არასამთავრობო ორგანიზაციას დავეხმარე ინსტაგრამის გვერდის შექმნაში, ახლა კი ვეხმარები ამ გვერდის მართვასა და ადმინისტრირებაში;

ვეხმარებოდი ახალგაზრდა ქალს, ვუვლიდი მის მცირეწლოვან ბავშვს, იმ პერიოდში, როცა დედა მუშაობდა;

ონლაინ-ვებინარებზე ვიყავი მოხალისე ტექნიკური მიმართულებით;

მოხალისეობრივი საქმიანობისას ბევრ მეგობარს და გამოცდილებას ვიძენ, ამიტომაცაა ეს ყველაფერი ჩემთვის ასეთი საინტერესო, რა თქმა უნდა, ისიც მნიშვნელოვანია, რომ ამ დროს სასარგებლო საქმეს ვაკეთებ და სხვებს ვეხმარები.