ორგანიზაციის შესახებ - საქართველოს კარიტასი

საქველმოქმედო ფონდი „საქართველოს კარიტასი“ დაარსდა კათოლიკური ეკლესიის მიერ 1994 წელს. უკვე 30 წელზე მეტია ორგანიზაცია ეხმარება სოციალურად დაუცველ ადამიანებს: ხანდაზმულებს, უსახლკაროებს, შეზღუდული შესაძლებლობის მქონე პირებს, ბავშვებსა და მოზარდებს, ასევე ოჯახებს, რომლებსაც სოციალური და ჰუმანიტარული მხარდაჭერა სჭირდებათ. დღესდღეობით, კარიტასი მთელი ქვეყნის მასშტაბით 12,500-ზე მეტ ბენეფიციარს ეხმარება 32 პროექტის ფარგლებში.

„საქართველოს კარიტასის“ მიზანია შექმნას საზოგადოება, სადაც ყველა ადამიანის ღირსება პატივსაცემია, მათი უფლებები დაცულია და სოლიდარობის, თანაგრძნობისა და სოციალური სამართლიანობის ღირებულებები ხელშეწყობილია.

ორგანიზაციის საქმიანობა მოიცავს რამდენიმე სფეროს:

• ბავშვებისა და ახალგაზრდების დაცვა და განვითარება;
• ჯანმრთელობის დაცვა;
• სოციალური დაცვა;
• თემის და მოხალისეობის განვითარების პროგრამა;
• საგანგებო სიტუაციებისთვის რეაგირება და მათზე მზადყოფნა:
• განათლების გაძლიერების პროგრამა;
• მიგრაცია;
• კარიტასი რეგიონებში სოციალური საწარმოები;

სოციალური დაცვა - ტანსაცმლის შეგროვება და დარიგება

სოციალური დაცვის პროგრამის მიზანია რთულ ვითარებაში მყოფი ადამიანების ცხოვრების ხარისხის გაუმჯობესება და მათი ძირითადი საჭიროებების დაკმაყოფილების უზრუნველყოფა ღირსებისა და პატივისცემის შენარჩუნებით. მისი მიზანია არა მხოლოდ მატერიალური დახმარების გაწევა, არამედ დაუცველი ჯგუფებისთვის სოციალიზაციის, თვითრეალიზაციისა და ფსიქოლოგიური მხარდაჭერის პირობების შექმნა. პროგრამა ასევე ხელს უწყობს სოციალური მომსახურების ხარისხისა და ხელმისაწვდომობის გაუმჯობესებას მთელ საქართველოში, რაც უზრუნველყოფს ადამიანებს საკვების, კონსულტაციის, ტანსაცმლისა და სოციალური მხარდაჭერის ხელმისაწვდომობას მათი საჭიროებების შესაბამისად.

პროგრამის მნიშვნელოვანი ნაწილი ხორციელდება ისეთი პროექტების მეშვეობით, როგორიცაა ჰუმანიტარული სასადილო, ხანდაზმულთა დღის ცენტრი „ჰარმონია“, მოსმენისა და სიღარიბის კვლევითი ცენტრები და ტანსაცმლის შეგროვებისა და გავრცელების ინიციატივა „სიკეთის ყუთი“. ეს პროექტი შეიქმნა სოციალურად დაუცველი ადამიანებისთვის სუფთა, გამოსაყენებელი ტანსაცმლით უზრუნველყოფისა და საზოგადოებაში სოლიდარობისა და პასუხისმგებლიანი მოხმარების კულტურის ხელშეწყობის მიზნით. ნებისმიერს შეუძლია ტანსაცმლის, ფეხსაცმლის ან აქსესუარების კარგ მდგომარეობაში გაღება. ვინაიდან ბევრ ბენეფიციარს შეექმნა რთული ცხოვრებისეული გარემოებები, მათ შორის უსახლკარობა და შეზღუდული შესაძლებლობები, მნიშვნელოვანია, რომ ნივთები იყოს სუფთა და დაუყოვნებლივ მზად გამოსაყენებლად, რაც მათ საშუალებას მისცემს სწრაფად დააკმაყოფილონ ყოველდღიური საჭიროებები.

ინიციატივის ფარგლებში შეგროვებული ტანსაცმელი მიეწოდება „საქართველოს კარიტასის“ სიკეთს ყუთს, სადაც პერსონალი და ჩვენ, მოხალისეები მას კატეგორიის, მდგომარეობის, სეზონისა და ზომის მიხედვით ფრთხილად ვახარისხებთ. შემდეგ ნივთები ნაწილდება მათ შორის, ვისაც ყველაზე მეტად სჭირდება მხარდაჭერა და თითოეულ ბენეფიციარს აქვს შესაძლებლობა, განსაზღვრულ დროს აირჩიოს საჭირო ტანსაცმელი, როგორც წესი, ვიზიტზე 30 კილოგრამამდე. გარდა ამისა, ზოგიერთი ნივთი სხვა ორგანიზაციებს, როგორიცაა SOS და სხვა პარტნიორი ორგანიზაციები, გადაეცემათ. პროექტს ასევე აქვს გარემოსდაცვითი მისია: ტანსაცმელს მეორე სიცოცხლე ეძლევა, რაც ამცირებს ტექსტილის ნარჩენებს, ხოლო ნივთები, რომელთა ხელახლა გამოყენება შეუძლებელია, გადამუშავდება და ქსოვილის ჩანთებად გარდაიქმნება, რაც პროგრამას არა მხოლოდ სოციალურად, არამედ გარემოსდაცვითად მდგრადს ხდის.

ტანსაცმლის შემოწირულობისთვის განკუთვნილი ყუთები მდებარეობს შემდეგ მისამართებზე:

საჯაროდ ხელმისაწვდომი:

• საქართველოს კარიტასის სათაო ოფისი (ბ.ჟღენტის #45, ნუცუბიძის პლატო)
• საქართველოს კრიტასის დიდუბის ცენტრი (თ.ერისთავის ქუჩა #23, დიდუბე)

კერძო ტერიტორიები:

• თბილისის მწვანე სკოლა
• საერთაშორისო აკადემია ლოგოსი
• სკოლა-ლიცეუმი "სხივი"
• სულხან-საბა ორბელიანის უნივერსიტეტი