წიგნების გამოფენა-გაცვლის აქცია "დემოკრატიის სივრცეში"

წიგნის საერთაშორისო დღის აღსანიშნავად, კითხვის ხელშეწყობისა და რესურსების დაზოგვის მიზნით, ჩვენი სკოლის სამოქალაქო განათლების კლუბის, "In posterum-მომავლისთვის" წევრებმა სკოლის ბიბლიოთეკის თანამედროვე ლიტერატურის ფონდი შექმნეს და გაცვლის აქცია მოაწყვეს ჩვენი სკოლის "დემოკრატიის სივრცეში".

ორი კვირის განმავლობაში შეგროვდა წიგნები, რომლებიც მოსწავლეებმა და მასწავლებლებმა, შემოწირულობის სახით გადასცეს სკოლის ბიბლიოთეკას, კლუბის წევრებმა აღრიცხეს ისინი, დააკრეს სამახსოვრო ბარათები და 26 აპრილს გამოფენა-გაცვლის აქცია მოაწყვეს.
სკოლის წარმომადგენლებმა აირჩიეს მათთვის სასურველი წიგნები, კლუბის წევრებთან შეათანხმეს დაბრუნების დრო და გაიტანეს წასაკითხად.
მოხალისეობრივი საქმიანობა მოიცავდა მოსწავლეთა ინფორმირებულობას, სოც.მედიების მართვას და წიგნების გაცვლა-გამოცვლის უსაფრთოდ ჩატარებას.