იცოდი, რომ შენი აზრი რეალურად შეუძლია შეცვალოს სკოლის გარემო? სწორედ ამ იდეიდან დაიბადა უნიკალური პროექტი „თავისუფალი კედელი გამოხატე შენი აზრი!“

პროექტმა მოიპოვა 1000 ლარიანი დაფინანსება, რის შემდეგაც სკოლაში დაიწყო მისი განხორციელება. ახლა უკვე მზად ვართ, ერთად შევქმნათ სივრცე, რომელიც მოსწავლეების ხმას მნიშვნელობას ანიჭებს.

რა არის „თავისუფალი კედელი“?
ეს არ არის უბრალოდ კედელი. ეს არის ადგილი, სადაც თითოეულ ადამიანს შეუძლია:
• დაწეროს ის, რაც გულში აქვს
• გამოხატოს ემოცია, რომლის თქმა სიტყვებით უჭირს
• ანონიმურად გაგვიზიაროს პრობლემა, სურვილი ან იდეა
• შემოქმედებითად გამოხატოს საკუთარი თავი

სკოლის სამივე შენობაში განთავსებულია:
• „თავისუფალი კედელი“ – თემატური დაფები
• ანონიმური აზრის ყუთები

რა დაგვხვდება პროექტის ფარგლებში?
• თვეში ერთხელ გაიმართება ღია დისკუსია მნიშვნელოვან თემებზე. შეხვედრებში მონაწილეობენ ჟურნალისტები, მასწავლებლები, ახალგაზრდული ლიდერები და აქტივისტები.ასევე უკუკავშირს განვიხილავთ სკოლის დირექციასთან ერთად და ვმუშაობთ გადაჭრის გზებზე .
• თვის ბოლოს იმართება შეხვედრა – „თვე შეაჯამე, თქვი შენი აზრი!“, სადაც განვიხილავთ ანონიმურ ყუთში ჩაგდებულ იდეებსა და მოსაზრებებს.
• აქტიური მონაწილეები დაჯილდოვდებიან მადლობის სიგელებით და მოიპოვებენ ტიტულს – „სიტყვის თავისუფლების ელჩი“.

რატომ არის ეს პროექტი მნიშვნელოვანი?
• სკოლაში ყალიბდება სივრცე, სადაც აზრის გამოხატვა თავისუფლად და უსაფრთხოდ შეუძლია ყველას
• არაფორმალური განათლებით ვითარდება კრიტიკული აზროვნება და ლიდერობის უნარები
• იზრდება მოსწავლეების ჩართულობა და სოციალური პასუხისმგებლობა
• იქმნება მეგობრული, ინკლუზიური და მხარდაჭერის კულტურაზე დამყარებული სკოლა

ეს კედელი არის სივრცე თითოეული მოსწავლის, მასწავლებლისა და მშობლისთვის.
თქვით ის, რაც აქამდე არ გითქვამთ ერთად შევქმნათ სკოლა, სადაც თქვენი აზრი ნამდვილად ფასობს.

მოხალისეობრივი მუშაობა პროექტზე – 5 თვე (~95 საათი)
• პროექტის წერას და კონცეფციის ფორმირებას დავუთმე – 20 საათი
• დაგეგმვა, ანგარიშების წარმოება და კოორდინაცია – 35 საათი
• პროექტის განხორციელება, შეხვედრების მოდერაცია და ყოველდღიური ზედამხედველობა – 40 საათი .