პროექტი: „სპორტი მოზარდებში“, მიზნად ისახავს ჯანსაღი ცხოვრების წესის მიმართ პოპულარობის გაწევას. სოფელ თელიანში მცხოვრებ 20 მოზარდს გადაეცა ძიუდოს ეკიპირება, რომლებიც აქტიურად და წარმატებულად არიან ჩართულნი სოფლის ძიუდოს წრეში. პროექტის მიმდინარეობისას, სპორტსმენების მიერ ჩატარდა ღია საჩვენებელი საწვრთნო ღონისძება. დაგეგმილი აქტივობები მათ მისცემთ შესაძლებლობას აუმაღლდეთ მოტივაცია ფიზიკური აქტივობების მიმართ, გაუმკლავდნენ გამოწვევებს და აკეთონ მათთვის საყვარელი საქმე. აღნიშნული ასევე, ხელს შეუწყობს გაიუმჯობესონ პიროვნული თვისებები და თავადაც მოახდინონ ჯანსაღი ცხოვრების წესის პოპულარიზაცია  სოფელში მცხოვრები ახალგაზრდებისათვის.

აღსანიშნავია, რომ მიმდინარე პანდემიამ  მნიშვნელოვნად დააზარალა ფიზიკური ზრდა-განვითარებისათვის საჭირო პროცესები, განსაკუთრებით კი სპორტსმენებში, ვინაიდან ფიზიკური სრულყოფა მაღალი მიღწევებისა და ჯანმრთელობის შენარჩუნებისათვის მნიშვნელოვანი ნაწილია. დაკარგული პერიოდის აღდგენას კი შესაბამისი ეტაპების გავლა სჭირდება, ახალი მუხტი და მოტივაციაა საჭირო, რომ მოზარდები აქტიურად დაუბრუნდეს ფიზიკური განვითარების პროცესებს. პროექტი, რომლის განხორციელება დაგეგმილია სპორტულ დარბაზში, სპორტსმენთა სავარჯიშო პირობები მნიშვნელოვნად დაბალი ხარისხისაა და მიუხედავად ამისა მოზარდები მაინც მონდომებით არიან ჩართულნი სავარჯიშო პროცესებში, თუმცა შესაბამისი პირობების არ ქონის გამო იკარგება ბავშვთა მასობრიობა, ამისათვის კი მათ ყოველთვის ესაჭიროებათ სამოტივაციო აქტივობები.
პროექტის მიზანია: ჯანსაღი ცხოვრების პოპულარიზაცია მოზარდებში, Covid-19-ით  გამოწვეული სტრესული გარემოდან თავის დაღწევისა და სოციალური მხარდაჭერის გზით.