კოვიდ-19-მა ძალიან დიდი ზეგავლენა იქონია ადამიანების ფსიქიკაზე, თავისუფალი ცხოვრება უეცრად ოთხ კედელ შუა მოექცა. ეს პერიოდი ნამდვილად რთული, უცნაური და საინტერესო იყო ყველასთვის. მიუხედავად ბევრი სირთულისა, იყო უამრავი  დადებითიც. მათ შორის  უნდა გამოვყოთ, თავისუფალი დრო,რომელმაც ჩაგვაფიქრა,აღმოგვაჩენინა, გადაგვახარისხებინა  ახალი, მივიწყებული, ანდაც იქამდე უცნობი შესაძლებლობები, რომლებსაც სჭირდება განვითარება და დახვეწა. პროექტი ახალგაზრდა შემოქმედებისთვისაა განკუთვნილი, იმ ადამიანებისთვის, რომელთა გრძნობები ,ემოციები,შთაბეჭდილებები ოთხ კედელს შუა არ შემოფარგლებულა. კარანტინის პერიოდში მოზღვავებული ფიქრების და გრძნობების თავისუფლად გამოხატვა ადამიანებს სხვადასხვა, განსხვავებული გზით შეეძლოთ .ისინი გამოხატავდნენ სოცილიზაციით გამოწვეულ განცდებს. ამ პროექტით კი ვეძებთ ადამიანებს,რომელთა, გამოხატვის საშუალების გზა  იყო კალამი და ფურცელი. ამ წამოწყების მთავარი მიზანია მივსცეთ სტიმული ახალგაზრდებს გააგრძელონ წერა და თავიანთი აზრების ფურცლებზე გარდაქმნას არ შეეშვან. პროექტის ფარგლებში გამოცხადება  ნაშრომების მიღება (იგულისხმება: ლექსები ,ესეები, ჩანახატები, მცირე ზომის მოთხრობები) თემა იქნება სრულიად თავისუფალი, მთავარია ნაშრომი შექმნილი იყოს კოვიდ-19 -ის პერიოდში. შესარჩევი ეტაპის შემდგომ შეირჩევა 10 ახალგაზრდა, რომლებსაც ორი დღის განმავლობაში ჩაუტარდებათ მასტერკლასები კომპეტენტური ადამიანებისგან, როგორებიცაა: გიორგი კეკელიძე, გია მურღულია, თამარ ვაშაკიძე და სხვანი. მასტერკლასების მიზანია შემოქმედების საწყისებზე გაუზიარონ თავიანთი მოსაზრება მონაწილეებს და ესაუბრონ იმ გზაზე, რომელსაც მწერალი წერის დაწყებიდან პროფესიონალად ჩამოყალიბებამდე გადის. ტრენერები ისაუბრებენ   სხვადასხვა თემაზე, ამ  თემებში მოიაზრება:  მწერლის მიერ  საკუთარი გამოცდილებების გაზიარება ,ლიტერატურული მიმდინარეობების გაცნობა ,კლასიკოსი მწერლების მოკლე გაცნობა და მიმოხილვა, ენობრივი ნიშნები შემოქმედებაში და სხვა.  ორდღიანი მასტერკლასების შემდოგომ  იმართება დაჯილდოება, სადაც მონაწილეებს შეეძლებათ თავიანთი შემოქმედებიდან ნაწყვეტების წაკითხვა  ,თავიანთი სიტყვის  გაზიარება საზოგადოებისთვის. მონაწილეებისთვის და სტუმრებისთვის დაიბეჭდება მცირე კრებულები, სადაც თავმოყრილი იქნება მონაწილეების ნაშრომები. მოეწყობა მცირე გამოფენა სადაც წარმოდგენილი იქნება მონაწილეების ნაშრომებიდან ყველაზე დამახსოვრებადი და საინტერესო ფრაზები, ასევე      მონაწილეები დაჯილდოვდებიან  სერტიფიკატებითა და საღამო საზეიმო ტორტის გაჭრითა და სურათების გადაღებით დასრულდება.კვლავ დავაზუსტებ პროექტის მიზანს რომელიც შემდეგში მდგომარეობს. ამ წამოწყებით გვსურს აღმოვაჩინოთ ახალგაზრდები თავიანთი განსხვავებული ნაშრომებით და  მივსცეთ მათ მეტი მოტივაცია და გავუღვივოთ საკუთარი თავის რწმენა.ეს პროექტი მისცემთ სურვილს დიდი დრო დაუთმონ თავიანთ ცხოვრებაში შემოქმედებით განვითარებას.