პროექტის ,,გაიფერადე ცხოვრება” მიზანია მიუსაფარი ბავშვებისათვის პრობლემების შემსუბუქება, რომლებიც კოვიდ-19-მა გამოიწვია. გვსურს ვაგრძნობინოთ მათ, რომ ისინი ასეთ რთულ პერიოდში მარტო არ არიან და ჩვენ მათთან ვართ. ჩვენი მიზანია, რომ ხელოვნების საშუალებით მათ პანდემიით გამოწვეული სტრესი შევუმსუბუქოთ, ამისთვის კი ხელოვნებითი თერაპია გამოვიყენოთ; ვესაუბროთ მათ და ხელოვნება გავხადოთ ჩვენი შუამავალი მათთან საუბრისას. Covid-19-ის მიერ შექმნილი სიტუაციის გამო მიუსაფარ ბავშვთა თავშესაფრებში შემოიღეს სხვადასხვა შეზღუდვები, რის გამოც ბავშვებს არ ჰქონდათ მათი უნარ-ჩვევების განვითარების საშუალება და დაეკარგათ განვითარების მოტივაცია, ჩვენი პროექტი კი ერთგვარი პასუხია ამ პრობლემაზე.