ვარ ზუგდიდის ბიბლიოთეკასთან არსებული წიგნისმოყვარულთა კლუბის "B612"-ის საორგანიზაციო გუნდის წევრი, ამ სივრცეში ერთმანეთს ვუზიარებთ წაკითხული წიგნებით მიღებულ შთაბეჭდილებებს და 4 წლის მანძილზე 300-მდე პროექტი განვახორციელეთ ჩვენს ქალაქში წიგნიერების პოპულარიზაციისთვის. ჩავატარეთ მნიშვნელოვანი პროექტები, მათ შორის დისკუსიები სხვადასხვა აქტუალურ თემაზე, ლექციები, განვაახლეთ აუდიო წიგნების ფონდი, დავაორგანიზეთ სხვადასხვა სკოლის ვიზიტი ბიბლიოთეკის სივრცეში, ასევე გასვლითი ტურები პლანტაციებსა თუ ფერმებში, გვქონდა "ღამე ბიბლიოთეკაში" და ბევრი საზაფხულო ლაშქრობა, სადაც ბავშვებს დავათვალიერებინეთ ჩვენი კუთხის ბუნების ძეგლები, გავუზიარეთ მათი ისტორია, გავაცოცხლეთ ძველი ხალხური თამაშობები და ასევე ბუნებაში წიგნის კითხვის ტრადიცია დავამკვიდრეთ.