2023 წლის საუკეთესო მოხალისის ჯილდო ნომინაციაში “მოხალისეობის პოპულარიზაცია” ნიკოლოზ კეთილაძეს გადაეცა.
rn
16 წლის ნიკოლოზი სსიპ ქ. ქუთაისის მე-12 საჯარო სკოლის მოსწავლე და სამეცნიერო – ინტელექტუალური კლუბი „თაობათა დიალოგის“ წევრია, სადაც ის მოხალისეობრივად უძღვებოდა მოხალისეთა კლუბის საქმიანობას. აღნიშნული მიზნად ისახავდა მოხალისეობის პოპულარიზებას ქუთაისის მუნიციპალიტეტში. ნიკოლოზის ორგანიზებით იმართებოდა საინფორმაციო და საგანმანათლებლო შეხვედრები ქუთაისის საჯარო სკოლებში მოხალისეობის საკითხებზე. ასევე მის სახელს უკავშირდება მოხალისეთა ჯგუფის შექმნა სოციალურ ქსელში ქუთაისში მცხოვრები ახალგაზრდებისათვის, რომელიც 1000-ზე მეტ წევრს აერთიანებს.
rn
ნიკოლოზი ასევე აქტიურად არის ჩართული საქველმოქმედო აქცია-ღონისძიებაში „ის მაინც
rn
არსებობს“, რომლის მიზანიც ყოველწლიურად ქუთაისში მცხოვრები მრავალშვილიანი სოციალურად დაუცველი ოჯახის დახმარებაა.
rn
ნიკოლოზი მოხალისეობდა ქუთაისქალაქობის ღონისძიებაში, უმასპინძლა დელეგატებს და მოხალისე გიდობას უწევდა მათ, ასევე მოხალისეობა კულინარიულ ფესტივალში „Gemoფესტი“, ხოლო 2023 წელს ქუთაისის მერიის ინიციატივით დაარსებულ ახალგაზრდულ ფესტივალში, როგორც მოხალისე ჩართული იყო საორგანიზაციო საკითხებზე.
rn
“უპირველეს ყოვლისა, აღნიშნული ჯილდო ჩემთვის არის უდიდესი პატივი. ამასთანავე, ეს არის პასუხისმგებლობა, რომ განვაგრძო აქტიურად მოხალისეობა. ჯილდოს მოპოვებით, ხვდები, რომ ეს არის დაფასება და დაუღალავი შრომის აღიარება. 2024 წელს ახალი შემართებით ვიწყებ, ჩემს ორგანიზაციასთან და ქუთაისის ახალგაზრდულ მრჩეველთა საბჭოსთან თანამშრომლობით იმედია კვლავ საჭირო მოხალისეობრივ საქმიანობებს განვახორციელებთ” – ნიკოლოზ კეთილაძე