“წლის საუკეთესო მოხალისის ეროვნული ჯილდოს მიღება ჩემთვის დიდ მიღწევასთან ერთად, უდიდესი პასუხისმგებლობაა. ჯილდო მხოლოდ ჩემი წარმატება არ არის, ეს არის აღიარება ყველა იმ ადამიანის შრომისა და ძალისხმევის, ვინც ჩემთან ერთად მოხალისეობდა და მოხალისეობის გზაზე დახმარებას მიწევდა.
rn
ახალგაზრდებს, რომლებიც მოხალისეობენ ვურჩევდი ამ უნიკალურ კონკურსში ჩაერთოს, დარწმუნებული ვარ, ეს მათი კარიერული წარმატებისთვის მნიშვნელოვანი ნაბიჯი იქნება და მრავალ, ახალ შესაძლებლობაზე მისცემთ წვდომას. მიუხედავად იმისა, რომ მოხალისეობრივ საქმიანობაში მხოლოდ ჯილდოს მიღება არ არის მთავარი, სფეროს პოპულარიზაციისა და სხვების მოტივაციისთვის “წლის საუკეთესო მოხალისის ეროვნული ჯილდოს” კონკურსი საუკეთესო გზად მიმაჩნია” – ლიზი ლომიძე, წლის საუკეთესო მოხალისის ეროვნული ჯილდოს გამარჯვებული, ნომინაცია: მოხალისეობის პოპულარიზაცია
rn
ლიზი ლომიძე მწვანე სკოლა-ტყის კამპუსის მე-11 კლასის მოსწავლეა. 2024 წელს მოხალისეობის პოპულარიზაციის მიზნით, ათობით წარმატებული პროექტი, თავად შეიმუშავა და ახალბედა მოხალისეებისთვის განახორციელა. ის გახლდათ ერთ-ერთი გამორჩეული მენტორი, რომელიც მოხალისეთა დიდ გუნდს უწევდა დახმარებას. სწორედ, ლიზის ორგანიზებით, ბოლო ერთი წლის განმავლობაში, 100-მდე მოხალისე სტუმრობდა და მოხალისეობდა სხვადასხვა ორგანიზაციებს, რომლების ემსახურებიან შეზღუდული შესაძლებლობის მქონე პირებს, მიუსაფარ ბავშვთა დღის ცენტრებს. მისი დახმარებით მოხალისეებმა აღნიშნეს დედამიწის დღე და ასევე მოეწყო რამდენიმე დასუფთავების აქცია.
rn
ლიზიმ მოხალისეობის პოპულარიზაციისა და ახალგაზრდებისათვის შესაძლებლობების შექმნის მიზნით, თბილისში მცხოვრები მოზარდებისათვის „მოხალისე ლიდერთა პროგრამა“ შეიმუშავა, რომლის ფარგლებშიც სადისკუსიო კლუბი ჩამოაყალიბა. ის ფასილიტაციას უწევდა საინფორმაციო შეხვედრებს მოწვეული სტუმრებისა და ახალგაზრდა მოხალისეების მონაწილეობით, მოაწყო ათობით სასწავლო ვიზიტი და მოხალისეობრივი საქმიანობა მოხალისეების საჭიროებების გათვალისწინებით განახორციელა.
rn
ლიზიმ სასკოლო ცხოვრებაში მოსწავლეთათვის მოხალისეობრივი პროექტების განვითარებაზეც იზრუნა, ის ორგანიზებას უწევდა საგანმანათლებლო-საინფორმაციო ღონისძიებებს 141-ე საჯარო სკოლის მოსწავლეთათვის. ლიზი აქტიურად იყო ჩართული მოხალისე GLOW Georgia ბანაკში, რომელიც ახალგაზრდა ლიდერ გოგონა მომზადებასა და გაძლიერებას ისახავდა მიზნად.
rn
ლიზი გახდლდათ, გაეროს ბავშვთა ფონდთან პარტნიორობით განხორციელებული პროექტის “მოხალისეები კლიმატის ცვლილებების წინააღმდეგ” ერთ-ერთი გამორჩეული მოხალისე, რომლის ფარგლებში მისი ინიციატივით მოეწყო საინფორმაციო შეხვედრები მოსწავლეებთან. მის სახელს უკავშირდება ასევე, მწვანე სკოლაში, ნაძალადევში, ეკო-კლუბის ჩამოყალიბებაც.