2023 წლის საუკეთესო მოხალისის ეროვნული ჯილდო ნომინაციაში ჟიურის რჩეული 14 წლის ლიზი კურტანიძეს გადაეცა.
rn
ლიზი კურტანიძე ხარაგაულის N3 საჯარო სკოლის ერთ-ერთი წარმატებული მოსწავლეა. ხარაგაულის მუნიციპალიტეტში ის გამორჩეული მოხალისეობრივი პროექტების ავტორია, მაგალითად, ახორციელებდა გარემოსდაცვით პროექტებს თანატოლებთან და სამოქალაქო განათლების ეკო-კლუბთან ერთად, ჩამოაყალიბა მოხალისეთა კლუბი რომელიც უსაფრთხო წყლისა და ჰიგიენის საკითხებზე ახდენა ადვოკატირებას, მუშაობდა მიუსაფარი ცხოველების საკითხებზე, მოხალისეობდა მუნიციპალიტეტის ბიბლიოთეკაში და ახდენა წიგნის კითხვის პოპულარიზებას თანატოლებისათვის შემეცნებითი საქმიანობების ჩატარების გზით.
rn
ლიზიმ ბოლო ერთი წლის მანძილზე ხელი შეუწყო მეგობრებში, თანატოლებში, სკოლასა თუ ხარაგაულის მუნიციპალიტეტში მოხალისეობრივი საქმიანობის პოპულარიზაციას.
rn
“ვფიქრობ მოხალისეებისთვის, მთავარი ჯილდო არის ის, რომ სიკეთის კვალს ვტოვებთ, თუმცა შეუდარებელია იმ ემოციის აღწერა, როდესაც მთელ შენს საქმიანობის აღიარება ხდება. ეს არის ჩემთვის უდიდესი მოტივაცია, რომ სამომავლოდ უკეთესი მოხალისეობრივი საქმიანობებით დახუნძლული გზა გიჩვენოთ.
rn
თუმცა იმ ადამიანებს, ვისაც ჩვენი, მოხალისეების არ გჯერათ, დაგარწმუნებთ, რომ ამაზე უკეთესი „საქმე“ არ არსებობს! გასაკეთებელი ჯერ კიდევ ბევრი მაქვს, შემდეგ წელს მოხალისეთა ოჯახს ვეცდები ახალი წევრები შევმატო, მოხალისეობრივი კულტურის დანერგვაზე ვიზრუნებ, ცნობიერებას ავამაღლებ ჩემს მუნიციპალიტეტში სხვადასხვა საკითხებზე, განსაკუთრებით კიბერ უსაფრთხოებაზე, ვიქნები იქ სადაც ყველაზე საჭიროა! – ლიზი კურტანიძე.