2023 წლის საუკეთესო მოხალისის ეროვნული ჯილდო ნომინაციაში რეპროდუქციული ჯანმრთელობის ხელშეწყობა 16 წლის ანა თოდუას გადაეცა.
rn
ანა თოდუა ქალაქ თბილისის 143 საჯარო სკოლის მოსწავლეა და ასოციაცია ჰერა 21-ის წევრია. მისი მოხალისეობა საქართველოს რეგიონის სკოლებში რეპროდუქციული ჯანმრთელობის ხელშეწყობას უკავშირდება, თანასწორ-განმანათლებლის სტატუსით მან შეძლო საჯარო სკოლებში საგანმანათლებლო შეხვედრები ჩაეტარებინა. მიუხედავად, იმისა რომ ის თბილისში ცხოვრობს მან შეძლო ეთნიკურად შერეულ სოფლებში ვიზიტები, სადაც ის თანატოლებს გადასცემდა ცოდნას სრჯუ (სექსუალური და რეპროდუქციული ჯანმრთელობა და უფლებები) საკითხებზე, ინტერპერსონალურ ურთიერთობებზე, ნაადრევ ქორწინებასა და ქალთ უფლებებზე.
rn
თბილისში მცხოვრები ახალგაზრდებისათვის ის მართავდა დისკუსიებს, დოკუმენტური ფილმის ჩვენებებს, პრეზენტაციებს მოხალისეობისა და ლიდერობის თემაზე. ბოლო ერთი წლის მანძილზე ანამ 500 მეტს ახალგაზრდასთან ჩაატარა საინფორმაციო და საგანმანათლებლო შეხვედრა. ამასთანავე, ის გარემოსდაცვით საქმიანობაშიც აქტიურად ერთვება.
rn
“ჩემთვის მოპოვებული გამარჯვება არის ძალიან დიდი მოტივაცია. ასევე სტიმული და იმის კიდევ ერთხელ დამტკიცება, რომ არასოდეს დავნებდე. მომავალში ვაპირებ უფრო და უფრო მეტ თანატოლებს შევხდე როგორც თბილისში ასევე სხვა რეგიონებში და მივაწოდო უფრო მეტი ინფორმაცია სრჯუ საკითხებზე” – ანა თოდუა