„გაანათლე საქართველო“ (Educate Georgia) – ეს არ არის უბრალოდ პროექტი, ეს არის ოცნების ასრულება, რომელიც დაიბადა უდიდესი რწმენით: თითოეულ ჩვენგანში იმალება უნიკალური ნიჭი, რომელიც გაზიარებას ელოდება.

ჩემი კოორდინატორობის დროს, როდესაც ჩემს ირგვლივ ასობით ახალგაზრდას ვხედავდი, ვგრძნობდი, რომ ჩვენ შეგვეძლო პატარა ნაბიჯის გადადგმა, რათა ეს სითბო და ცოდნა სხვებისთვისაც გაგვეზიარებინა. ჩვენ გვჯეროდა, რომ ნამდვილი წარმატება მხოლოდ საკუთარი თავის ამაღლება არ არის, არამედ სხვების განვითარებაზე ზრუნვაც. სწორედ ამ ხედვით, „ჰელფინგ ჰენდთან“ თანამშრომლობით, შეიქმნა აკადემია „გაანათლე საქართველო“.

ჩვენი მისია: გავხდეთ ხიდი მათ შორის, ვისაც ცოდნა აქვს და მათ შორის, ვისაც მისი მიღება სურს. შევქმნათ გარემო, სადაც განვითარება ორმხრივი პროცესია.

რას ვთავაზობთ?
დღეს, „გაანათლე საქართველო“ აერთიანებს 500-ზე მეტ მოტივირებულ ახალგაზრდას და სთავაზობს სრულიად უფასო საგანმანათლებლო კურსებს, რომელთა ხარისხსაც ჩვენი ერთგული კოორდინატორები უზრუნველყოფენ:

სკოლის საგნებში მომზადება: დავეხმაროთ მოსწავლეებს აკადემიური წარმატების მიღწევაში.

უცხო ენები: ვხსნით სამყაროს კარს! ჩვენთან შეისწავლით გერმანულს, კორეულს, ებრაულს, ინგლისურს, რუსულს, თურქულს და მალე დაემატება ფრანგული, იაპონური და კიდევ ბევრი მოთხოვნადი კლუბი.

კლასგარეშე აქტივობების პოპულარიზაცია: ხელს ვუწყობთ უნარების განვითარებას, რომელიც სცდება სასკოლო პროგრამას.

ინოვაციური STEM კამპანია: მალე ვიწყებთ STEM მიმართულების პროექტების შეთავაზებას, რათა ჩვენმა ახალგაზრდებმა მომავლის ტექნოლოგიური გამოწვევებისთვისაც მოემზადონ!

ჩვენ გვჯერა, რომ ცვლილებას ერთი ადამიანი ქმნის, მაგრამ მის მასშტაბებს – ერთობით და სიყვარულით განათებული გზა!

გამოგვყევით და გახდით ამ დიდი, ნათელი მოგზაურობის ნაწილი!
1. ეროვნული მოხალისეებისა და მოსწავლეების ქსელის გაერთიანება – 50 საათი

(ხელმძღვანელობა, გუნდების ჩამოყალიბება, სტრუქტურის შექმნა)

2. საგნებისა და ენების მრავალდარგოვანი კურსების კოორდინაცია – 130 საათი

(ყველა საგანი, ყველა ენა, მასწავლებლები, განრიგები, სისტემები)

3. შერჩევები, გასაუბრებები, შეხვედრები – 80 საათი

(ინტერვიუები, ინფორმაციული შეხვედრები, ფორმების შეფასება)

4. პოსტერები და ვიზუალური ხარისხის კონტროლი – 15 საათი

(დასაწყისში აქტიური დახმარება + ახლა მონიტორინგი)

5. ახალი პროექტების სტრატეგია და განვითარება – 55 საათი

(მოდულები, ახალი მიმართულებები, ინიცირება)

6. ყოველდღიური კოორდინაცია და კომუნიკაცია – 80 საათი

(მასწავლებლები, კოორდინატორები, მშობლები, მოსწავლეები)