პროექტი მიზნად ისახავს დაეხმაროს 13-16 წლის გოგონებს თვითგანვითარებაში, განათლებასა და თვითშეფასების ამაღლებაში.

COVID-19 პანდემიის გამო ფორმალურმა და არაფორმალურმა განათლებამ ვირტუალურ სივრცეში გადაინაცვლა, რამაც უამრავი პრობლემა შეუქმნა მოზარდებს. გართულდა კომუნიკაცია, ახალგაზრდებს, რომლებიც პანდემიამდე აქტიურად იყვნენ ჩართულნი სხვადასხვა აქტივობებში, კარანტინის გამო გაუჭირდათ სოციალიზაცია. პანდემიამ ახალგაზრდა გოგონები სოციალურ ქსელებს მიაჯაჭვა, რამაც გამოიწვია სხვადასხვა კომპლექსის ჩამოყალიბება და თვითშეფასების მიმართულებითაც იკვეთება სირთულეები. გარდატეხის ასაკში მყოფი მოზარდებისთვის კი იზოლაციამ გამოიწვია  სტრესი და იმატა დაძაბულობამ.

ჩვენს მიერ პროექტში დაგეგმილი საქმიანობები ხელს შეუწყობს დაეხმარება სოციალიზაციაში, სტრესის მართვაში, და სხვა ზემოთხსენებული პრობლემების დაძლევაში. პროექტის ფარგლებში როგორც ორგანიზატორები ასევე მოწვეული სტუმრები  შევეცდებით არაფორმალური განათლება დავაბრუნოთ რეალურ სივრცეში, და მოვახდინოთ ახალგაზრდა გოგონების რეინტეგრაცია საზოგადოებაში უსაფრთხოების ნორმების დაცვითა და გათვალისწინებით.