პროექტის ფარგლებში შევიძენთ წიგნებს, რომლებსაც გადავცემთ ახმეტის მუნიციპალიტეტში, სოფელ დუისში არსებულ კლუბს. წიგნები განთავსდება აქ არსებულ „ახალგაზრდულ ოთახში“, სადაც ჩამოყალიბდება კითხვის კლუბი, რომლის წევრებიც კვირაში ერთხელ შეიკრიბებიან და წაკითხული წიგნის შესახებ გაუზიარებენ თავიანთ შთაბეჭდილებებს ერთმანეთს. გამომდინარე იქიდან, რომ სკოლები დახურულია და ახალგაზრდებს არ აქვთ შესაძლებლობა ისარგებლონ სკოლის ბიბლიოთეკით, ამასთან, პანდემიის პირობებში ბევრი ადამიანი სახლში გამოკეტილი აღმოჩნდა, ეს პროექტი მისცემს შესაძლებლობას მათ, რომ დაკავდნენ მათთვის საინტერესო და სასარგებლო აქტივობით, ასევე, დრო გაატარონ ნაყოფიერად თავიანთ თანატოლებთან ერთად ერთ სივრცეში, პანდემიის გამო დაწესებული რეკომენდაციების გათვალისწინებით, რა თქმა უნდა. გარდა ამისა, პროექტი ხელს შეუწყობს შშმ პირების ინტეგრაციასაც, რადგან მათაც ჩავრთავთ ამ პროექტში. გამომდინარე იქიდან, რომ მათმა უმრავლესობამ წერა-კითხვა არ იცის, პროექტის ავტორები თავად წავუკითხავთ შედარებით მარტივ ლიტერატურას და განვახორციელებთ სახალისო აქტივობებს, როგორიცაა მაგალითად პერსონაჟების დახატვა, წაკითხულის მოკლე განხილვა, ფიგურების გამოჭრა ფერადი ქაღალდებისგან და ა.შ.პროექტის მიზანია შშმ პირების ინტეგრაციის ხელშეწყობა და ახალგაზრდებისათვის ლიტერატურაზე ხელმისაწვდომობის გაზრდა, წიგნიერების დონის ამაღლება და პანდემიით გამოწვეული სტრესის ფონზე მათთვის კომფორტული, მეგობრული გარემოს შექმნა ერთმანეთთან კომუნიკაციისთვის.